Vörleesbook

Billerböker sünd illustreerte Böker för de ganz Lütten (bet 5 Johr). De Fokus is stark op de bunten Biller un de Texten sünd eenfach hollen. Faken arbeidt bi Billerböker Schriever un Illustrater as Team ganz eng tohoop (oder Schrieverun Illustrater sünd desülve Person), denn de Text betüht sik mehrstentiets stark op de Biller. Ok Föhlböker, Klappenböker un Popup-Böker höört dor mit to.

Vörleesböker sünd Böker, de sik an Kinner von üm un bi 2 bet 7 richt un von Öllern oder annere Personen vörleest warrt. De Fokus is nich ganz so stark op de Biller, denn veel passeert nu in de Fantasie von dat Kind un de Biller ünnerstütt de Geschicht bloots.

Eerstleesböker richt sik an Kinner, de jüst eerst dat Lesen lehrt hebbt, also normalerwies Kinner von 6 bet 8, de op de Grundschool sünd. De Böker sünd stark illustreert, as Stütt för de Kinner, de sik noch swoordoot mit dat Textverständnis. Mehrstendeel sünd de Böker so 64 bet 96 Sieden dick. Geschichten un Sätz sünd kort hollen, so dat dat Lesen licht blifft.

In de Grupp ‚För Kinner‘ hebbt wi Kinnerromans un annere Böker, de sik an Kinner von 8 bet 12 richt. In düsse Böker sünd de Geschichten un Sätz al länger un de Fokus is jümmer weniger op Biller. De Geschichten sünd aver noch recht kindgerecht mit Themen as Fründschop, Deerten etc.

In de Grupp ‚För junge Lüüd‘ staht de Böker för junge Minschen, de bilütten dör de Pubertät gaht un to utwussen Lüüd ranwasst. De Themen sünd nu meist so veelfältig as bi Böker för utwussen Lüüd.